कमल गाउँपालिकाको नवौं गाउँ सभा आज असार ११ गते समापन भएको छ | सभाले नीति तथा कार्यक्रम, बजेट, विपद जोखिम न्यूनीकरण तथा व्यवस्थापन गर्न बनेको विधयेक, न्यायिक समिति कार्यविधि संशोधन विधयेक, न्यायिक समितिको प्रतिवेदन, समसामयिक महत्वको विषयहरु पास गरेको छ | साथै सिन्धुपाल्चोकको मेलम्ची र हेलेम्बुमा गएको प्राकृतिक विपदमा परेकाको सहयोगका लागि हाम्रो गाउँपालिकाबाट उक्त पालिकाहरुलाई १/१ लाख रुपैया सहयोग गर्ने निर्णय गरिएको छ |

आज मिति २०७७ साल श्रावण २३ गते यस कमल गाउँपालिकामा आ.व. २०७६/७७ को वार्षिक समिक्षा गोष्ठि गाउँपालिका अध्यक्ष श्री मेनुका काफ्ले ज्यूको अध्यक्षतामा सम्पन्न भयो। उक्त कार्यक्रममा विषयगत शाखाका , वडाका, स्वास्थ्य चौकीका प्रगती प्रतिवेदनहरु प्रस्तुत भै छलफल भयो ।

आज मिति २०७७/०३/१० गते वुधवार कमल गाउपालिकाकाे साताैं गाउंसभा प्रदेश नं १ का माननीय सांसद एवम् आन्तरिक मामिला तथा कानुन मन्त्री हिक्मत कार्की ज्युकाे प्रमूख आतिथ्यतामा भएको छ। कार्यक्रममा माननीय मन्त्री श्री हिक्मत कार्की ज्युले शुभकामना सन्देश व्यक्त गर्नुभएको थियो तत्पश्चात कमल गाउँपालिका अध्यक्ष श्री मेनुका काफ्ले ज्यूले कार्यक्रमको उद्घाटन सत्रको समापन गर्नु भयो ।

कमल गाउँपालिकाको आ. व. २०७६/७७ को अर्धवार्षिक समिक्षा गोष्ठी गाउँपालिका अध्यक्ष श्री मेनुका काफ्ले ज्यूको अध्यक्षतामा सम्पन्न भएको छ। समिक्षा गोष्ठीमा सम्पूर्ण वडाका वडा सचिव र शाखा प्रमुखहरुले आफ्नो प्रस्तुति गर्नु भएको थियो ।

त्यसैगरी गाउँपालिकामा अउनुहुने कर्मचारीहरुलाई स्वागत र जाने कर्मचारीलाई विदाई गरिएको छ ।