कमल गाउँपालिकाको आ. व. २०७९/८० मा संचालित योजना तथा कार्यक्रमहरुको अर्धवार्षिक समिक्षा गोष्ठी २०७९/१०/२२ गते आइतवार गाउँपालिकाको सभाहलमा सम्पन्न भएको छ । गाउँपालिका अध्यक्ष हुकुम सिंह राई ज्यूको अध्यक्षतामा भएको कार्यक्रममा उपाध्यक्ष प्रमिला न्यौपाने ज्यू, प्रमुख प्रशासकिय अधिकृत राजकुमार शाक्य ज्यू, वडा अध्यक्ष ज्यूहरु, कार्यपालिका सदस्य ज्यूहरु, वडा सदस्य ज्यूहरु, शाखा प्रमुख ज्यूहरु, वडा सचिव ज्यूहरु र कर्मचारी ज्यूहरुको उपस्थितिमा कार्यक्रम सम्पन्न भयो ।
सूचना तथा समाचार
ग्यालरी
“सभ्य समाजको पहिचानः लैङ्गिक हिंसा बिरुद्धको अभियान” भन्ने नाराका साथ विभिन्न कार्यक्रमगरी लैङ्गिक हिंसा बिरुद्धको १६ दिने अभियान २५ नोभेम्बर देखी १० डिसेम्बर सम्म विविध कार्यक्रम सहित मनाउने सन्दर्भमा कमल गाउँपालिकाको सभाहलमा शुभारम्भ कार्यक्रम सम्पन्न भयो । कार्यक्रममा उपस्थित सबै जनाले सेतो रिवन लगाई मेरो प्रतिबद्धता म हिंसा गर्दिन, म हिंसा सहन्न, हिंसा भएको देखेमा प्रतिकार गर्नेछु भनेर प्रतिवद्धता पत्रमा हस्ताक्षर गर्नु भएको थियो ।
कमल गाउँपालिकाद्वारा गत आ. व. २०७८/७९ मा संचालित योजना तथा कार्यक्रमहरुको वार्षिक समिक्षा गोष्ठी २०७९/०७/१८ गते शुक्रवार गाउँपालिकाको सभाहलमा सम्पन्न गरिएको छ । गाउँपालिका अध्यक्ष श्री हुकुम सिंह राई ज्युको अध्यक्षतामा भएको कार्यक्रममा उपाध्यक्ष श्री प्रमिला न्यौपाने ज्यु, प्रमुख प्रशासकिय अधिकृत श्री राजकुमार शाक्य ज्यु, वडा अध्यक्ष ज्युहरु, कार्यपालिका सदस्य ज्युहरु, वडा सदस्य ज्युहरु, शाखा प्रमुखहरु, वडा सचिवहरु र कर्मचारीहरुको उपस्थितिमा कार्यक्रम सम्पन्न भयो ।
कमल गाउँपालिकामा सरुवा भई आउनु हुने प्रमुख प्रशासकिय अधिकृत राज कुमार शाक्यज्युको स्वागत तथा सरुवा भई जानु हुने प्रमुख प्रशासकिय अधिकृत काजिमान राईज्यु , शाखा अधिकृत रामचन्द्र गजुरेलज्यु र CBRF पुजा खड्का , शान्ता कुमारी आङ्देम्बेको विदाई कार्यक्रमका केहि झलकहरु
CDWN (दलित महिला केन्द्र नेपाल) द्वारा सिमान्तकृत महिलाहरुको अधिकार संरक्षण, सम्बद्धन, आर्थिक सबलीकरण तथा आत्म सम्मानका लागि SDC र Australin Government को आर्थिक सहयोगमा होटल कामाख्यामा श्रावण 22 देखि 24 गते सम्म 3 दिने अभिमुखीकरण कार्यक्रममा कमल गा.पा.का 7 वटै वडाबाट निर्वाचित दलित तथा खुल्ला महिला सदस्यहरु कार्यक्रममा सहभागी हुदै ।
यस कमल गाउँपालिकामा सरुवा भई आउनुहुने प्रमुख प्रशासकीय अधिकृत श्री राज कुमार शाक्यज्युलाई अध्यक्ष श्री हुकुम सिंह राईज्यूले स्वागत गर्नुहुदै । (मिति २०७९/०४/२२)
कमल गाउँपालिकाको ११ औं गाउँसभा सम्पन्न भएको छ । ११ औं गाउँ सभाको अवसरमा उत्कृष्ट कर्मचारीहरुलाई पुरस्कृत गरीएको छ । उत्कृष्ट कर्मचारी तर्फ लेखा अधिकृत सृजना राईलाई नगद २० हजार रुपैयाका साथै सम्मान पत्रबाट पुरस्कृत गरिएको र कर्मचारी पुरस्कार तर्फ इन्जिनियर सागर यादव, पशु सेवा शाखाका दिपेन्द्र लामिछाने, तोपगाछी स्वस्थ्य चौकीका कुशल श्रेष्ठ, वडा सचिव रिता कार्की, मुक्ति माझी ,वडा नम्वर ४ मा कार्यरत मनिसा राईलाई १० हजार रुपैया र सम्मान पत्रद्वारा पुरस्कृत गरिएको छ ।
कमल गाउँपालिकाको नवनिर्वाचित अध्यक्ष हुकुम सिंह राई ज्यु कमल गाउँकार्यपालिकाको कार्यालयमा आज पदभार ग्रहण गर्नु हुदै
कमल गाउँपालिकाले आज मिति २०७८/०९/२९ मा दशौं गाउँसभाको अधिवेशन बैठक सम्पन्न गरेको छ । दशौं गाउँ सभाको अवसरमा उत्कृष्ट कर्मचारीहरुलाई पुरस्कृत गरीएको छ । उत्कृष्ट कर्मचारी तर्फ कृषि विकास शाखाका महेन्द्र बोहोरालाई नगद २० हजार रुपैयाका साथै सम्मान पत्रबाट पुरस्कृत गरिएको र कर्मचारी पुरस्कार तर्फ प्रशासन शाखाका तुलसी ओझा, तोपगाछी स्वस्थ्य चौकीका कमला न्यौपाने , वडा नम्वर ४ का वडा सचिव पर्शुराम तिम्सिना, वडा नम्वर १ मा कार्यरत र वडा नं. ७ का प्राविधिक गणेश कुमार महतोलाई १० हजार रुपैया र सम्मान पत्रद्वारा पुरस्कृत गरिएको छ ।
३१ औं अन्तराष्ट्रिय जेष्ठ नागरीक दिवस २०७८ का अवसरमा आज कमल गाउँपालिकाको आयोजनामा ३५ जना जेष्ठ नागरीकलाई सम्मान गरिएको छ।
३१ औं अन्तराष्ट्रिय जेष्ठ नागरीक दिवस २०७८ का अवसरमा आज कमल गाउँपालिकाको आयोजनामा गाउँपालिकामा भएका ७० वर्ष भन्दा माथिका आफ्नो जीवनमा राज्यको विभिन्न छेत्रमा योगदान पुर्याउनु भएको ३५ जना जेष्ठ नागरीकलाई खादा ओडाएर छाता र लौरो प्रदान गरी सम्मान गरिएको छ।
कमल गाउँपालिका सहकारी शाखाको आयोजनामा यस गाउँपालिका भित्र सञ्चालनमा रहेका सहकारी संस्थाहरुलाई आदरणिय प्रशिक्षक ज्यूहरु श्री घनश्याम , अधिकारी वचत तथा ऋण सहकारी संस्था केन्द्रीय सदस्य तथा प्रदेश १ अध्यक्ष र श्री वलराम निरौला , रजिस्टार प्रदेश १ प्रदेश सहकारी रजिस्टारको कार्यालयबाट प्रशिक्षण भइ सञ्चालन भएको २ दिने सहकारी अन्तरकृया कार्यक्रम मिति २०७८/०६/१० मा सफल्तापुर्वक सम्पन्न भएको छ ।