कमल गाउँपालिका उपाध्यक्ष तथा बजार अनुगमन समिति संयोजक श्री प्रमिला न्यौपानेज्यूको संयोजकत्वमा आज पालिकाको स्थानिय बजारहरु ढ्याङ्ग्री बजार, सरङपाडा बजार, सोल्मारी चोक, वासवारी बजारको अनुगमन गरिएको छ । अनुगमनका क्रममा म्याद गुज्रेका, लेबल नभएका र अखाध्य बस्तुहरु बरामद गरिएको छ । साथै व्यवसाय दर्ता गर्न, समयमै व्यवसाय नविकरण गर्न, मूल्य सूची, साइनबोर्ड अनिवार्य रुपमा राखी एक हप्ता भित्रमा सुधार गर्न बजार अनुगमन टोलीले निर्देशन दिएको छ । अनुगमनमा उपाध्यक्ष, प्रमुख प्रशासकीय अधिकृत, वडा नं. १ का वडा अध्यक्ष, शाखा प्रमुखहरु , ईलाका प्रशासन कार्यालयका प्रतिनिधि, आन्तरिक राजश्व कार्यालयका प्रतिनिधि, उधोग वाणिज्य संघको प्रतिनिधि, प्रहरी, बजार व्याबस्थापन समिति, टोल विकास संस्था, पत्रकार लागायतको उपस्थिति रहेको थियो ।