आज मिति २०७७/०३/१० गते वुधवार कमल गाउपालिकाकाे साताैं गाउंसभा प्रदेश नं १ का माननीय सांसद एवम् आन्तरिक मामिला तथा कानुन मन्त्री हिक्मत कार्की ज्युकाे प्रमूख आतिथ्यतामा भएको छ। कार्यक्रममा माननीय मन्त्री श्री हिक्मत कार्की ज्युले शुभकामना सन्देश व्यक्त गर्नुभएको थियो तत्पश्चात कमल गाउँपालिका अध्यक्ष श्री मेनुका काफ्ले ज्यूले कार्यक्रमको उद्घाटन सत्रको समापन गर्नु भयो ।
दोस्रो सत्रको कार्यक्रममा कमल गाउँपालिकाको आ व २०७७/७८ को निति, कार्यक्रम तथा बजेटको प्रस्तुतिका निम्ति निति, कार्यक्रम तथा बजेटका संयोजक तथा गाउँपालिका उपाध्यक्ष वेनु प्रसाद शिवाकोटी ज्यूद्वारा कमल गाउँपालिकाको निति, कार्यक्रम तथा बजेटको सार-संक्षेप रुपमा प्रस्तुत गरि सो सम्बन्धमा गाउँसभाका सभासद ज्यूहरुलाई अध्ययन गरी पुन २०७७/०३/१८ गते वस्ने गरी आजको कार्यक्रमको समापन कमल गाउँपालिका अध्यक्ष तथा आजको कार्यक्रमको अध्यक्ष श्री मेनुका काफ्ले ज्यूद्वारा समापन गरीएको थियो।
उक्त कार्यक्रममा गाउँपालिकामा काम गर्नु हुने ५ जना कर्मचारीहरु दुर्गा देवि ढुंगेल, सुवास दहाल, दुर्गा देवि खड्का, गौरीशंकर ओलि र वावुराम थुलुङ्ग लाई कार्य सम्पादनको आधारमा सम्मान गरीएको थियो। जस्मा १ जनालाई सर्वोउत्कृष्ट अन्य ४ जनालाई उत्कृष्ट कर्मचारीको रुपमा प्रमाण पत्र र नगद सहित सम्मान गरियो। त्यसै गरी कार्यालय सहयोगी मोहन अघोरी सेवामा रहदै मृत्यु भएकोले निजको सम्झनामा निजको परिवारलाई मरणोपरांत सम्मान हस्तातरण गरिएको थियो साथै निजले सेवामा रहदा नियम अनुसार पाउने सेवा सुविधा र सर्तहरु समेत निजको परिवारलाई उपलब्ध गराउने वचनबद्धता कार्यलयवाट व्यक्त भएको थियो।